عدلي القيعي عن صفقات الأهلي: “أنت مش بتتعامل مع قطع غيار.. ولو مفيش صفقات مش مصيبة”

تحدث عدلي القيعي رئيس شركة الكرة السابق بالاهلي، عن إمكانية ضم صفقات جديدة وعن أزمات القلعة الحمراء الأخيرة وطريقة تعامل الخطيب معها.

وقال عدلي القيعي خلال تصريحات تليفزيونية: “محمود الخطيب اي حاجه بيعملها بيكون شايل همها، وفي الصفقات انت مش بتتعامل في قطع غيار، في متغييرات كتير لانك مش ضامن اي حاجه”.

وتابع:” احنا في أزمة حاليًا في الأهلي مع الرأي العام ومكنتش احبها لانها مش بتاعتنا، مررنا بأزمة زي دي واللي خرجنا بها قبل كدا كان الخطيب”.

واضاف القيعي: “وحتى لو الاسماء الكبيرة موجودة في الفريق، الجماهير هتطالبك بـ صفقات في مرة كان الاسكواد بتاعنا في نجوم في مراكزهم والجمهور كان بيسألك عن الصفقات”.

واختتم: “دا بيحصل لأن التحديات سقفها بتزيد ودا حقيقي، ولكن اللي مش حقيقي ان لو محصلش صفقات يبقي في مصيبة”.