بعتذر بالنيابة عن بيتي.. صلاح محسن يعلق على التسريبات
علق صلاح محسن لاعب الفريق الأول لكرة القدم بالنادي الأهلي، على الصور المسربة من حسابه الخاص عبر موقع التواصل الاجتماعي إنستجرام.
وكتب صلاح محسن عبر حسابه الرسمي على إنستجرام قائلا: في البداية بعتذر لكل الناس عن الحاجات اللي اتنشرت دي وأنا مش هعلق غير بحسبي الله ونعم الوكيل، والخلافات الزوجية عمر مكانها ما كان السوشيال ميديا والخلافات دي كانت من فترة.
واضاف: وحساباتي كانت معاها وللأسف محادثات اتفبركت لتشوية صورتي وبغرض الانتقام والقضاء على مستقبلي في كرة القدم، ويوجد حاجات كتير مش هينفع اتكلم فيها لأنها مهما كانت أم أولادي ومش هتكلم دلوقتي احتراما للناس واحتراما لأنها كانت في يوم من الأيام أقرب الناس ليا.
وأكمل: أنا بعتذر بالنيابة عن بيتي لكل الناس لأن الخلافات مش مكانها السوشيال ميديا وحقي هاخده بالقانون آسف لكل الجمهور، وأنا مركز في مستقبلي من زمان ومركز جدا في تمريني.
وأختتم: بجتهد لأن طموحي كبير جدا وعمر الحاجات دي ما هتوقف طموحي حتى لو كان غرضها كدا، دي محنة كبيرة وصدمة ليا بس في الآخر حقي هاخده وعند الله تجتمع الخصوم.
