أبو تريكة بعد تأهل مصر إلى دور الـ16: مبنخافش من حد وهاتولنا ميسي الآن

أعرب محمد أبو تريكة، نجم منتخب مصر السابق، عن سعادته الكبيرة بتأهل الفراعنة إلى دور الـ16 من بطولة كأس العالم 2026، مؤكدًا أن المنتخب حقق إنجازًا تاريخيًا، مطالبًا اللاعبين بمواصلة المشوار دون رهبة من أي منافس.

وقال أبو تريكة خلال الاستوديو التحليلي: “أنتوا عملتوا فوق الإنجاز، بس إحنا كلاعيبة مصرية مبنخافش من حد، مع احترامي للجميع.

وأضاف: “نلعب كورة، وعايز تتصور مع ميسي يبقى بعدين، لكن في الماتش هنلعب وهنعمل اللي علينا. النهارده حقكم تفرحوا لأنكم عملتوا إنجاز كبير.”

وأشاد أبو تريكة بالهدوء والثقة التي ظهر بها لاعبو المنتخب خلال ركلات الترجيح، قائلًا: “كل المسددين بتوعنا رايحين عارفين هيعملوا إيه، ركلة ترجيح صلاح ميعملهاش غير صلاح، وحسام ما شاء الله عليه، ومحمود صابر، وكل اللعيبة. والاختيار ده يرجع للكابتن حسام وتجهيزه، والمنظومة كلها بتشتغل وربنا موفقهم عشان خدوا بالأسباب.”

كما وجه رسالة طريفة إلى محمد هاني بعد مستواه المميز، قائلًا: “محمد هاني هينافس على الهداف ولا إيه؟ ركز يا هاني.”

واختتم أبو تريكة حديثه بالتأكيد على مشاعره الخاصة تجاه منتخب مصر، قائلاً: “أنا هنا مش محلل ولا لعيب سابق، أنا هنا مشجع، مصر والأهلي استثناء بالنسبة لي، لأني بعيش المباراة بكل مشاعري، ولأول مرة أغني على الهوا من الفرحة عشان منتخب مصر.”