أول تعليق من عمرو الجزار بعد إصابته بقطع في الرباط الصليبي

علق عمرو الجزار، لاعب الأهلي، على الإصابة التي تعرض لها خلال مواجهة المقاولون العرب في الدوري المصري الممتاز، والتي أسفرت عن إصابته بقطع في الرباط الصليبي، لتنهي موسمه مبكرًا مع الفريق.

كتب الجزار، عبر حسابه الشخصي بموقع «إنستجرام»: “الحمد لله على كل حال، وفي كل وقت يمكن الإصابة دي تكون من أصعب الاختبارات اللي مريت بيها، لكني مؤمن إن كل حاجة بتحصل بقدر ربنا ولحكمة يمكن لسه مش شايفها

أضاف:”أنا راضي بقضاء ربنا، وصابر، وشاكر على كل نعمةٌ في حياتي، وشاكر أكتر على كل الحب والدعاء اللي شوفته منكم في الوقت ده. رسائلكم، دعواتكم، وكلامكم كان ليهم أثر كبير عندي، ومش هنساه”.

تابع «أنا مؤمن إن ربنا مش بيأخذ حاجة إلا وبيعوض، وإن بعد كل صبر فرج، وبعد كل صعوبة قوة جديدة.. هبدأ رحلة العلاج والتأهيل بكل إيمان وصبر، وإن شاء الله أرجع أقوى من الأول.. دعواتكم ليا، الحمد لله دائمًا وأبدًا».