حسام حسن: كان فيه عنصرية ضد المنتخبات الأفريقية، ومذكرتش اسم ميسي أمام اللاعبين علشان الرهبة

أعرب حسام حسن المدير الفني لمنتخب مصر عن سعادته، بالإنجاز الذي حققه الفراعنة تحت قيادته في بطولة كأس العالم 2026.

وقال حسام حسن في تصريحات تليفزيونية:” قدمنا جزء بسيط وواجب علينا تجاه بلدنا والشعب المصري بتاعنا، والحمد لله على كل شيء، طموحنا كان كبير أوي، قدر الله وما شاء فعل، كنت بحاول أثبت شخصية للمنتخب المصري، ونلعب كورة الناس تحترمنا بيها.

وأضاف:” سعيد إن الوطن العربي كله اتلم حوالينا، وهيبة مصر موجودة في كل حاجة، وإنك بتمثل أفريقيا أحسن تمثيل لأن كانت فيه حاجة معجبتنيش في أول البطولة، كان فيه حتة عنصرية، إن فيه حد كان بيقلل من المنتخبات الأفريقية.

وعن اختيار حارس المرمى قال:” عندي ثقة فيهم كلهم، ولكن “آن الأوان» إن مصطفى يلعب، و شوبير تفوق على نفسه في حاجات كتير، وكان عندي ثقة في الأربعة”.

وأكمل:” حمزة عبد الكريم عنده شخصية وثقة، وإمكانياته أكبر من سنه، ، ومشروع مهاجم مهم وكبير لمنتخب مصر، و أدواره مهمة، ومعندوش خوف، وقوي، ، وبيلعب بدماغه كويس، وعنده طموح، وإن شاء الله هيكون له مستقبل كبير في الكرة المصرية.

وعن مواجهة ميسي قال:” مكنتش بحب أقول للاعيبة ميسي، وكنت بقول لهم رقم 10، علشان ميحصلش للاعيبة رهبة”.