زيزو يفتح النار: أنا الوحيد اللي اتشمت.. ومرتضى بعت عربية لأبويا

كشف أحمد سيد زيزو، نجم نادي الزمالك، عن كواليس أزمته الأخيرة مع النادي، وذلك خلال مكالمة هاتفية جمعته بالإعلامي هاني حتحوت في الساعات الأولى من الفجر، بعد أن بادر الأخير بإرسال رسالة له يعرض فيها الاستماع إليه.

زيزو يخرج عن صمته

وقال زيزو لحتحوت: “أنا في غاية الإحباط من المعاملة اللي اتعاملت بيها أنا ووالدي خلال الشهور اللي فاتت، واللي حصل فينا”.

واضاف:”والدي هو اللي جدد عقدي مع الزمالك قبل كده مرتين، وهو راجل محترم وأحسن من ناس كتير وكنت ممكن آخذ فلوسه من العقد وأدهاله، لكن السمسرة جعلت الأمور تتعقد”.

وتحدث زيزو عن تفاصيل تجديد عقده السابق، قائلاً: “مرتضى منصور علشان يجدد عقدي بعت عربية مخصوصة علشان يجيب بابا من المنيا، ووقتها قولتله إحنا هنجدد مع الزمالك لأن في تقدير، حتى لو المبلغ مش كبير”.

وأضاف نجم الزمالك: “بعد كل اللي عملته مع الفريق، الجمهور يقوللي بعد ماتش بتروجيت روح يا زيزو؟! أنا الوحيد اللي الجمهور شمت فيا 4 مرات، وأنا عمري ما عملت مشكلة ولا قصرت، واتغير عليا 7 مجالس إدارة واستحملت”.

واختتم زيزو حديثه بالتأكيد: “مشكلتي مش الفلوس، مشكلتي التقدير”.